Lettre 279 : Isaac Claude à Pierre Bayle

Je vous rends tres humbles graces, Monsieur, de toutes les peines que vous prenez pour mon frère [1]. Non seulement moy, mais toute nostre famille ressentira vivement tout ce que vous voudrez bien faire pour luy. Et il n’y a aucun de nous qui pour vous temoigner la sincerité de sa reconnoissance, n’embrasse avec joye toutes les occasions où il s’agira de vous en donner des marques.

Je luy representay le plus doucement qu’il m’a eté possible le tort qu’il se faisoit en perdant une grande partie de son tems et avec ces deux garçons dont vous me parlez [2], et dans la lecture qu’il fait des livres de bagatelle. Je luy ay reconnu cette envie de lire les romans et toutes les sottises de cette nature[.] J’en ay usé envers luy à cet égard pendant le tems qu’il a demeuré chez moy, comme mon pére en usa autrefois au mien sur le sujet du jeu. C’est à dire que je luy ay laché la bride là dessus, afin qu’il se soulage de ces sortes de livres. Je suis cepend[an]t bien marry que mon stratageme n’ait pas produit en luy le mesme effet qu’il produisit en moy. Je feray de mon coté tout ce que je pourray pour le changer, ayez la bonté du vostre de luy representer le tort que cela luy fera s’il continue / et j’espére qu’on fera quelques progrez dans son esprit. Il a besoin de surveillans, et de gens qui le picquent* sans cesse[.] Ainsy je l’estime bien heureux d’estre sous vos yeux, et sous vostre main. Je ne souhaiterois pas qu’il fist de voyages frequens ni icy, ni ailleurs. J’auroy mesme abregé celuy cy n’etoit qu’on a eu besoin de son corps pour luy faire un habit, et pour voir si cet habit luy va bien. Ayez donc la bonté de l’empescher d’en faire le plus qu’il se pourra. Vous avez raison de dire qu’il est fort satisfait de vostre pension. Il l’est en effet, et encore plus de vous, Monsieur, dont les manieres douces et honnestes* l’ont gagné entierement. Je le confirmeray de plus en plus dans ces sentimens, parce que je desire qu’en cela il epouse les miens.

Je ne scay si nostre illustre ami [3] vous a repondu, il me dit lors que je luy rendis vostre lettre, qu’il le feroit.

J’oubliois de vous dire que mon frere a une demangaison continuelle d’acheter des livres. Marquez luy seulement ceux qui luy sont necessaires, ayez mesme la bonté d’en faire un petit billet lors qu’il luy en faudra, et en me l’envoyant je les acheteray. Car autrement ce seroit tous les jours à payer des parties* de libraire, ce qui n’est pas agreable.

Je suis dans une grande impatience de voir vostre journal [4]. Dez que je l’auray je ne manqueray pas de l’envoyer à Paris, parce que je suis assuré que je feray un sensible* plaisir à mon pére, n’y ayant personne qui estime plus ce qui sort de vostre plume que luy. Il me parle dans sa derniere lettre [5] [du l]iv[re] de Mr Jur[ieu] contre M[aimbourg] [6] d’une maniere que je ne scaurois m’emp[ècher] de vous transcrire mot à mot ce qu’il m’en dit. « Je lis pour la 2de fois la réponce de M. J[urieu] à M[aimbourg] et j’en suis charmé. Je n’ay jamais vû ni tant d’esprit, ni tant de bon sens ni tant de scavoir, et de lecture. C’est un des beaux ouvrages qui se soit fait il y a bien longtems, un ouvrage qui ne mourra jamais, car c’est un vray original pour estre mis dans les bibliotheques et pour y avoir recours en tems et lieu. Nos Eglises luy ont une infinie obligation de cette apologie et si tout le monde en connoissoit le prix comme moy, on luy en feroit des remercimens publics et eternels. » Je suis, mon cher Monsieur, tres sincerem[en]t vostre &c.

 
Claude [7]