[ Latin ] Lettre 843 


Voir aussi [ Traduction ]
[Rotterdam, le 24 decembre 1691]

Clarissimo, literatissimoque/ Th[eodoro] J[anssonio] ab Almeloveen/ m[edicinæ] d[octori] Petrus Bælius/ s[alus]

Quam gratissimæ fuerint mihi literæ quas nuper ad me dedisti amoris et benevolentiæ singularis plenissimas vix possum tibi verbis declarare 1 ; utinam istæ tibi parem lætitiam afferre idoneæ esse possent ; sic facile possemus levare epistolarum commercio frequenti absentiæ tædium et incommodum ; numquam mihi deero quin quandiu carendum erit vivâ voce doctissimisque tuis sermonibus id genus solatii quæram quas tibi scribendo capere dabitur. Gratias ago quamplurimas ob schedam continentem catalogum nothorum de quibus Pontus Heutherus 2, nec erat cur amicus ille tanto labore defungeretur satis erat notasse quæ breviter omnino de Erasmo dicta ab illo historico. Ecce vicissim aliquas notulas in novissimum tuum scriptum 3. Salutat te plurimum Basnagius noster serves Vitam Castellani 4, quandiu volueris, non indiget ille suo[.]

pag[ina] 3 voce Bachetus 5 observo commentarios gallicos in Epistolas Ovidii prodiisse in lucem anno 1632 in 8 Nuper audivi esse Parisiis virum qui commentarium in Apollodorum, nec non emendationes criticas in Plutarchum ac præsertim in versionem gallicam Plutarchi ab Amioto adornatam possidet, et vœnum offert bibliopolis. Sperant non defuturos emptores talium manuscriptorum.

pag[ina] 4 voce Bodinus : fusè agit de illo manuscripto opeve Bodini L[udovico] Jo[anne] Diecmannus 6 in tractatu De naturalismo recuso Lipsiæ anno 1684 de quo tunc ego egi in Nov[ellas] reip[ublicæ] literariæ.

pag[ina] 13 voce Colomesius Scaliger[ana] citantur pag[inam] 558 debent citari 258

pag[ina] 14 voce Cresolesius 7, vocatur ille Cresollius, opusque illud de sophistis in lucem prodiit anno 1620 Paris[iis] 8

pag[ina] 23 voce du Fresne. Deleri velim (mons[ieu]r du) et in locum poni Raphael Trichetus 8, Burdigalensis, sunt enim multi cognomines du Fresne ; præterea est alius liber illius de quo Colomesius loquitur, affectus solum

pag[ina] 29 voce Gailart. Scribendum est Goulart 9. Dele dilacerati sunt libri, et lege consilium disturbatum est. Quæ sequuntur delenda, et sic legendum Mr Boule, de Marseille autrefois ministre dit dans la preface de l’ Essai de l’histoire des protestans, qu’il travaille à la traduction de Mr de Thou, mais son travail n’a point paru. apres la mort de Du Rier qui a traduit une partie de l’ Histoire de Mr de Thou, Mr Cassandre a promis de traduire l’autre partie.

pag[ina] ead[em] voce Gramondus 10. Opus illud vulgatum est

pag[ina] 40 voce Petavius 11. Revera prodiit in lucem ejus Julianus

pag[ina] 44 voce Prioli 12. Extat amplus catalogus operum quæ promittit ad calcem ejus historiæ ab excessug Ludovici 13 quæ historia non modo Ultrajecti sed etiam in Germania impressa passim reperitur, et tib[i] meum exemplar, si opus, offero.

pag[ina] 50 voce Sandius 13. Plura ejus scripta inedita recenset Biblioth[eca] antitrinitariorum, nec non quorumdam aliorum authorum ejusdem sectæ.

pag[ina] 66 voce Barthius 14. Plura ejus inedita memorat Spizelius in Templo honoris ubi de vita Barthii

pag[ina] 68 voce Gruterus 15. Bibliotheca exulum vulgata fuisse legitur anno 1624 apud Val[...] Andream bibl[iopolam] Belgica p. 439

Non loquor de Borello 16 medico castrensi hoc est à Castres dans le Languedoc, nam ingens est catalogus librorum quos promisit, quem videre poterit d[ominus] Almelov[een] in meo exemplari quoties sibi mitti cupiet

Ecce aliquos libros quos evolvere cuperem

Rebenstock, sermones mensales Lutheri 17

Mathæsius, vita Martini Lutheri 18

Hieron[ymus] Bolsec, Vita Calvini, Bezæ 19 etc.

Simon Starovolscius, Elogia centum illustrium Polonorum 20

Caspar Chicocii Alloquia 21

Bibliotheca romana, autore Prospero Mandosio 22 Romæ 1682 in 4

Vitæ clarissimorum jurisconsultorum ex recensione et cum notis Frid[erici] Jacobi Leickeri 23 J. V. D. Lipsiæ 1686 in 8

Illo libro vix spero fore ut vel ipsi vel mihi obstacula non ingruam quominus ad te excurramus per hasce ferias quo nihil posset esse mihi jucundius utilius. Pergratum mihi feceris Vir clarissime et charissime si mihi mittere velis in paucos dies Colomesii Galliam orientalem 24, sique per otium et data occasione de aliquot libris in scheda hic apposita 25 contentis mihi breviter inspiciendis procurandis cogites. Vale meque tui amantissimum redama. Dabam Roterodami 9 kalend[arum] januar[ii] 1691

 

A Monsieur/ Monsieur Almeloveen/ docteur en medecine/ A Ter-gou

Accueil| Contact | Plan du site | Se connecter | Mentions légales | icone statistiques visites | info visites 260359

Institut Cl. Logeon