Clarissimo et Doctissimo Viro Domino Thomæ Crenio
Petrus Bayle
Gratias quam maximas Tibi habeo ob commodatum huncce libellum 1. Vix dici potest quanto me affecerint gaudio literæ Tuæ faustissimis de tuo statu nunciis refertæ, nec non de laboribus qui Rempublicam Literariam summopere locupletabunt. Nolim longiore sermone Tibi occupatissimo officere. Idcirco finem imponem huic epistolio, si prius rogaverim ut per discipulum Dominum de Mey 2, cui hunc fasciculum juxta indicium tuum tradam crastinâ luce, cures has literas reddi Dom[ino] Reppelar qui Lugduni operam dat Juri 3. Filius is est Consulis Dordraceni 4 qui nunc inter Præfectos rei meritimæ in hac civitate commoratur.
Vale plurimum et me ama.
Dabam Roterodami XIII. Kal. Decemb. M D C L XXXXV.
Myn Heer, / Myn Heer Thomas Crenius, professor tot Leiden
