[ Latin ] Lettre 1157 

Basileam sepultam ¹ haud ingratam fuisse gaudeo, vellem et alteram Dierum genialium Lomejeri ² partem adjecissem quam nunc, oblata hac occasione, mitto, prius vero quam ad dominum suum remittas. Chevillerum ³ rogo mecum communices si quidem non nulla restant, quæ inopinato itinere Gelrico ⁴ impeditus, absolvere nequivi. De Probæ Falconiæ poematiis ⁵ sperarum tecum me colloquutum tempore encœnionum Rotterædamensium ⁶ venim et illa spes me frustravit. Ecquando Tuum absolveris Lexicon, saltem tunc temporis spesq[ue] superfere tibi homiliam nostræ dandam veteri amicitiæ. Quod scribis de doctissimis amici tui notis in Hieroclem ⁷ perplacet, annitasque ipsis • parare Lucinam ⁸ faventem, modo in antecessum vel mecum eas communicaris, vel concesseris cum ipsis examinare typographis præterea. At necesse quoque est nosse conditiones quas possessor exigit, quæ si fuerint æquæ / confido me aliquem reperturum. Subjicere autem eas Falconiæ poëmatiis non puto consultum quando quidem hæc plane et lingua et stilo differint. Verum quæ Tu de probis illis Falconiis congessisti haud exigua, velim epistola includas, • eo facilius atque exactius ut possim concipere, nam plures fuisse Tuo ex ore mihi retulit noster Fabre ⁹ qui Tecum de ea egit paullo fusius. Locum ex ephemeridibus Gallicis a Te indicatum quam primum respiciam. Joannis Michælis Bruti ¹⁰ quiscula si qua Tibi cognita velim indices • quoniamque Clar[issimus] Cramerus ¹¹ ea prælo subjicere conjunctumque edere decrevit. Frustra quæro Joannæ Othonis Carmina ¹² edita Argent[orati] 1616 4° et Lusus extemporaneos ¹³ 1617, 4° quæ si • penes Te sunt aut amicum cura ut ad me advolent. Valde cupio resiscere num haberi queant • Hippolitæ Sfortiæ ¹⁴ oratio latina, Cassandræ Fidelis ¹⁵, Laurentiæ Strozzæ ¹⁶, Philippæ et Annæ Du Prat ¹⁷, Magdalenæ Des Champs ¹⁸ versus latini Græcique quos confecisse narrant scriptores. Ecquid responsi de origine Genevensi Waldkirchia ¹⁹.

Vale amor noster et me constante amare pergito.