Vir clarissime
fruar reditu pastorum quorundam Gallorum Ultrajecti commorantium 1 , tuique nominis et famæ admiratione in paucis tactorum, tum quia uni eoru[m] tradam libellum italicum quem mihi commodasti 2 tum quia mihi promiserunt fore ut tibi nunciarent quanti ego te faciam, quamque jucundè de tuis meritis habeam sermonem. Accepimus nuper orationem præelegantissimam, Livianiâque grandiloquentia comptissimam quæ tibi habita est in festis Academicis vestris. Legi eam summa cum voluptate et admiratione dicendi facultatis verè incredibilis quæ in ea fulget, atque inde non parum crevit studium quo tibi nestoreos annos voveo in reipublicæ literariæ decus et emolumentum. Vale vir illustrissime et me ama tibi omni obsequio devinctissimum.
Dabam Roterodami 26 april[is] 1686
A Monsieur/ Monsieur le professeur/ Grævius A Utrecht