[ Latin ] Lettre 998 

Voluit Beughemius noster te officiosissimis verbis per me salutari rogarique num ipsius usui velles mittere, si possideres, Naudæi Bibliothecam Cordesianam ¹ Deseine Bibliothecam Slusianam ² • et catalogum Bibliothecæ Tellerianæ ³, si ejus • characteres, qui paullo difficiliores lectu sunt, rite fuerim assequutus. Aurum nihil habeo ceteroquin lubens • adjecerim Vogleri introductioni nuper cum Meibomii notis ⁴ enisæ quam ei mittere non differam. Est enim totus in adornando conspectu lectio historiæ literariæ. Quæ præ ceteris ejus operibus mihi valde utilis videtur et commodus.

Opus tuum ⁵ celeri procedere gradu nullus dubito quoniam ipse præsens typothetis insistere possis ac sedulior sis longe quum nullis publicis negotiis avoceris.

Ampl[issimus] Carpzovius ornavit instruxitque meam librariam supellectilem Augusti Buchnerii poematiis numquam / editis ⁶ Huetii opusculo De paradisio terrestri ⁷ et Hermanni Conringi epistolis ad Ferdinand episcop[um] Paderbornensem atque Baluzium cum responsoriis quibus Melchior Smidius Conringii vitam præmisit ⁸. Expurgabos addidit Carpzovius vindicias Nominis Germanici contra quosdam obtrectatores Gallos ⁹ ut et Orationem Funebrem Ulricæ Eleanoræ Suecorum Reginæ ¹⁰ quorum omnium usum, lectionem que si desideres fac sciam.

Clar[issimus] Bernardus professor Oxoniensis ¹¹ icones Isaaci et Merici Casaubonorum ¹² creta rubra delineatas mihi misit quo gratius poterat certe nihil. Leersius noster an susceperit iter parisinum nescio ¹³. Chauvinum nostras Amœnitates in Acta sua gallica retulisse nondum observavi ¹⁴.

Vale Vir clarissime et Almelovenii tui amantissimi, vive memor. Saluta, quæso, Basnagium, Lufnaeum ¹⁵, Majumque ¹⁶.